[HONOR 10Lite] بعد استخدام مكثف 4 شهور ... الجمال وافضل سيلفي واداء !

مرحبا رفاق 

هاتف هونر 10 لايت بعد تجربة استخدام 4 شهور بالظبط ♥ 

هاتف هونر 10 لايت هو من افضل الهواتف في فئة ال 3000 ل 4000 جنيه حرفياً ... الهاتف وقت ما نزل كان من افضل الهواتف ومازال في فئته خصوصا تسعير الهاتف المميز الممتاز رغم الامكانيات الممتازة جدا اللي بياجي بيها الهاتف ...

بعد تجربة استخدام دامت اكثر من 4 شهور للهاتف والصراحة استخدام مكثف ... ياتري ايه الاخبار .. تعالوا ندي رؤية كدا للهاتف ونظرة سريعة علي امكانياته 

تصميم الهاتف :

شاشة الهاتف تتأتي من نوع ips lcd بدقة fhd+ بكثافة بيكسلات مميزة جدا والوان ممتازة بيقدمها معايا الهاتف دا حالياً بنوتش من نوع قطرة الندي المميز من هونر .

يأتي تصميم الهاتف من الامام ب شكل مميز جداً صراحتاً بحيث ان هونر رغم ان الفترة دي النوتش ما كنش في الفئة دي وصل للمرحلة دي الا ان هونر قدمة حواف ممتازة حرفياً في الشاشة من اعلي

وايضا الجناب والحافة السفلية للهاتف والعلوية للهاتف .

الوان الهاتف مميزة وكمان عند التعرض للشمس بيكون واضح خالص الاستخدام تحت اشعة الشمس المباشرة مش هتحس بتعب فيها لان سطوع الشاشة مميز جداً الصراحة .

الهاتف جاي ب لمبة الاشعارات المتعددة الالوان والطريقة ... وواضحة جداً وموجودة اسفل الحافة السفلية للهاتف

ضهر الهاتف يأتي من مادة الكاربونايت البلاستيك ... الصراحة الهاتف في الظهر له الوان متدرجة جميلة جداً وانعكاسات مميزة جدا ... خامات مميزة في الفئة دي خصوصا كمان الفترة اللي نزل فيها الهاتف الصراحة هاتف ممتاز جداً ... صحيح بيبصم وسهل الاتساخ ولكن هونر كملت جميلها وجابتلنا ضهرية بلاستيك للحماية  وممكن ترك سكين حماية .

وكمان في تصميم الظهر يوجد انحناءات خفيفة تعطي تجربة مميزة في حالة حمل الهاتف بيد واحدة الصراحة ممتازة جداً ومريحة .

من الاعلي يوجد منفذ ال sim  البطاقتين او بطاقة و sd كارت

ومن الاسفل سماعة الهاتف المميزة ... مش استريو صحيح لكن تجربتها ممتازة وصوتها واضح وحلو وقوي ... مش الاعلي لكن بتقدم تجربة مميزة .

وفيه كمان منفذ شاحن usb 2 لا يدعم الشحن السريع ولكن هنوضح تحت ان البطارية بتشحن في وقت قياسي جدا ... وكمان يوجد المايك للمكالمات و منفذ السماعات جاك 3.5 ميللي .

الصراحة هاتف بالامكانيات دي والتصميم دا وتم انتاجه في شهر12 عام 2018 الصراحة مميز وتصميم جذاب جدا . 

البطارية :

يأتي الهاتف ب بطارية بقوة 3400 ميللي امبير ... مش اقوي حاجة ...لكن الارقام غير الاداء .

الهاتف بيقدم screen on time اداء متوسط واعلي حبة من حدود 6 ساعات  ومرات بيدخل ف 7 ساعات معايا عمل ودي مميزة جداً الصراحة للهاتف خصوصا انه مدعوم بمعالج هواوي كيرين 710 بدقة تصنيع 12 نانو متر المميزة جدا في توفير استهلاك البطارية .

 الهاتف صحيح مش بياجي ب شحن سريع ولكن البطارية حرفيا بتشحن معايا ممكن من 0 ل 100% في حدود ساعة ونص ودا مميز جداً .

ودي ورقة فيها توقيت شحن الهاتف في بدايات شحنه اول ما جبته قبل استهلاك البطارية الصعب مني ^_^

النظام :

يأتي الهاتف ب احدث اندرويد متاح الان وهو اندرويد باي 9 مع واجهة هواوي المميزة والمشبعة بالخصائص والمميزات وهي EMUI 9 السلسة والمميزة جداً . الصراحة مع الهاتف بيقدموا اداء خرافي .

امكانيات الهاتف :

يأتي الهاتف بمعالج من نوع كيرين 710 المميز صاحب ال 8 انوية بترددات ممتازة جداً ... والهاتف بيقدم تجربة اداء في الالعاب مميزة بسبب قوة المعالج + خاصية ال GPU TURBO المميزة جداً مع 4D Shock مع المعالج الرسومي الرائع اللي بياجي مع كيرين 710  بيقدموا تجربة خاصة وقوية جداً في الالعاب المختلفة .

كما ان الهاتف بيأتي بمساحة داخلية 64 جيجا مع 3 جيجا رامات ... مش هتحس بالفرق لان الهاتف بيأتي بمعالج قوي جداً .

ك كتلة SOC مع بعض مفيش أي مشاكل خالص ♥

الكاميرات :

الهاتف يأتي بكاميرا امامية قوية جداً وهي بدقة 24 ميجا بيكسل بتقدم الصراحة تجربة صور مميزة في الاضاءات المختلفة ... مش هتكلم عنها كتير : الصور هي اللي هتحكم في مختلف الاضاءات :

اضاءة ليلية : 

اضاءة الصباح 

في المساء بقا :)

اما الكاميرا الخلفية ف بياجوا ب كاميرتين واحدة 13 ميجا اساسية ... والتانية 2 ميجا للعزل ثانية .

برضه بيقدموا تجربة اداء حلوة خالص ... طبيعي نسمع الرقم دا في الفئة دي : وبرضه نشوف الصور اللي هتحكم علي الاداء في مختلف الاضاءات :

اضاءة ليلية : 

وضع بورتريه 

وسائل الحماية :

بصمة الهاتف ممتازة وسريعة الاستجابة جداً ولكن ليها انيميشن خفيف كدا لما تفتحها لكن مش هيزعجك بسبب سرعة البصمة

وكمان بيدعم الفيس انلوك ... سريع خالص وحلو جداً في مختلف الاضاءة  وعاجبني ف حاجة ... لو عيني مقفولة حتة صغيرة التليفون ما يفتحش بالبصمة الوجه خالص ... لولا ما تكون فاتح عينك كويس حتي ان الهاتف يفتح بالقفل بالوجه .

 بعض المميزات الاخري : 

الهاتف بيقدم تجربة صوت مميزة ونقي و واضح... مش اعلي حاجة لكن الصوت حلو خالص ... اما السماعة الداخلية الخاصة بالمكالمات ف صوتها عالي خالص وبسمع الكلام من غير ما احطها علي وداني الصراحة تنافسية جداً في الفئة دي وشكلها جميل فوق الكاميرا الامامية .

عاجبني زراير الصوت وغلق لوحة المفاتيح ليهم صوت مميز حلو كدا لو شلت الكافر الحماية اللي جاي مع الهاتف ^_^ .

البروز الخاص بالكاميرا قل خالص عن الموجود في هونر 8 اكس ف ماتخافش انها تتجرح منك

الخلاصة :

لو بتدور علي افضل اداء كاميرا سيلفي في الفئة دي مع معالج قوي جداً ومنافس وتصميم شاشة ممتاز جداً وتدرج الوان خلفي جميل الصراحة هتلاقي افضل اداء في الهاتف دا .

اتمني تكون المراجعة البسيطة دي نالت اعجابكم وتحت امركم ف أي اسئلة ♥

HONOR MY WORLD

George.Safwat

HihonorEgypt